2019 წლის 30 აპრილს, ჯაზის საერთაშორისო დღის აღსანიშნავად, თბილისის სახელმწიფო კონსერვატორიის დიდ დარბაზში გაიმართა ცნობილი ჯაზ-ბენდის „Irakli Louis Ambassadors’’-ისა და თბილისის მერიის ბიგ-ბენდის კონცერტი. ჯაზ-ბენდ „Irakli Louis Ambassadors“-ის ლიდერი ქართველი ემიგრანტების შთამომავალი ირაკლი დავრიშევი-დავრიშაშვილია, ხოლო მუსიკოსის შემოქმედება მჭიდროდ უკავშირდება ჯაზის გენიალურ ლეგენდას, ლუი არმსტრონგს.

12 თებერვალს გაერთიანებულ სამეფოში საქართველოს საელჩოს ინიციატივითა და მარჯორი უორდროპის ფონდის მხარდაჭერით, ოქსფორდის უნივერსიტეტის ბოდლის ბიბლიოთეკაში გაიმართა ღონისძიება, რომელიც იუნესკოს ეგიდით მარჯორი უორდროპის დაბადებიდან 150 წლისთავის გახსნას მიეძღვნა. იუბილე იუნესკოს სახელით 2019 წლის განმავლობაში აღინიშნება, რაც საქართველოსა და გაერთიანებული სამეფოს ერთობლივი ძალისხმევის შედეგად გახდა შესაძლებელი.

მავრიკის რესპუბლიკის დედაქალაქ პორტ ლუიში, იუნესკოს არამატერიალური კულტურული მემკვიდრეობის დაცვის მთავრობათაშორისი კომიტეტის მე-13 სესიაზე (26 ნოემბერი -1 დეკემბერი) მიღებულ იქნა გადაწყვეტილება საქართველოს მიერ წარდგენილი ნომინაციის „ქართული ჭიდაობა“(“Chidaoba-Wrestling in Georgia”) არამატერიალური კულტურული მემკვიდრეობის წარმომადგენლობით სიაში შეტანის თაობაზე.

> > >

2018 წლის 25-26 სექტემბერს, თავდაცვის ინსტიტუციური აღმშენებლობის სკოლაში „შეიარაღებული კონფლიქტის დროს კულტურულ ფასეულობათა დაცვის“ ტრენინგი იმართება. UNESCO-სა და საქართველოს თავდაცვის სამინისტროს ორგანიზებითა და საქართველოს იუნესკოს საქმეთა ეროვნული კომისიის თანადგომით მიმდინარე ორდღიან სემინარში მონაწილეობენ თავდაცვისა და საგარეო საქმეთა სამინისტროების, საქართველოს კულტურული მემკვიდრეობის დაცვის ეროვნული სააგენტოსა და დიდი მცხეთის სახელმწიფო არქეოლოგიური მუზეუმის წარმომადგენლები.

> > >

2018 წლის 2-12 სექტემბერს, ქ. ბათუმში, UNESCO-ს პატრონაჟით გაიმართა კლასიკური მუსიკის მე-6 საერთაშორისო ფესტივალი.

ფესტივალი 2012 წელს დააარსა ცნობილმა ქართველმა პიანისტმა და UNESCO-ს არტისტმა მშვიდობისთვის ელისო ბოლქვაძემ მუსიკალური ხელოვნების პოპულარიზაციისთვის და ნიჭიერი ახალგაზრდა ხელოვანების მხარდასაჭერად.

> > >