რუსეთის სამხედრო აგრესიის შემდეგ UNOSAT-თან თანამშრომლობის შედეგად შემუშავდა "ფაქტობრივი დოკუმენტი კულტურული მემკვიდრეობის დაზიანების შესახებ". აღნიშნულ დოკუმენტში შესული ინფორმაცია ძირითადად ეყრდნობა 19 აგვისტოს გადაღებულ სატელიტურ ფოტომასალის ანალიზს, რომელიც UNOSAT-მა განახორციელა. მასალის საფუძველზე მომზადდა საგარეო საქმეთა სამინისტროს განცხადება (15.09.08) რუსეთის აგრესიის შედეგად დაზიანებული კულტურული მემკვიდრეობის თაობაზე.

საქართველოს პრეზიდენტის 2008 წლის 7 ივლისის №472 განკარგულების საფუძველზე საქართველოს საგარეო საქმეთა მინისტრი ეკა ტყეშელაშვილი დაინიშნა საქართველოს იუნესკოს საქმეთა ეროვნული კომისიის პრეზიდენტად.