მ.წ. 8 მარტს გავრცელებული განცხადების თანახმად, UNESCO-მ, უკრაინაში კრიზისის დაწყებისთანავე, დაიწყო ორგანიზაციის მანდატის ფარგლებში, შესაბამისი ქმედებების განხორციელება, განსაკუთრებით, კულტურის დაცვის მიმართულებით.

გაეროს გენერალური ასამბლეის რეზოლუციის „აგრესია უკრაინის წინააღმდეგ“ მიღების შემდეგ და გამანადგურებელი ძალადობის ესკალაციის ფონზე, UNESCO ღრმა შეშფოთებას გამოთქვამს უკრაინაში განვითარებული მოვლენების გამო და მუშაობს ორგანიზაციის კომპეტენციაში შემავალი სფეროებისთვის კონფლიქტის მიერ მიყენებული ზიანის შეფასებაზე, გადაუდებელი ზომების მიღების მიზნით.

ევროპისა (და მის ფარგლებს გარეთ) UNESCO-ს ეროვნულმა კომისიებმა გაავრცელეს განცხადება, რომლის თანახმადაც ისინი გმობენ  რუსეთის ფედერაციის თავდასხმას უკრაინაზე.

მ.წ. 24 თებერვალს, UNESCO-მ გაავრცელა განცხადება, რომლის თანახმადაც, ორგანიზაცია ღრმად არის შეშფოთებული უკრაინაში მიმდინარე სამხედრო ოპერაციებითა და ძალადობის ესკალაციით.

UNESCO-ს მსოფლიო მემკვიდრეობის ძეგლი „კოლხური ტყეები და ჭარბტენიანი ტერიტორიები“ Google-ის შემეცნებით პლატფორმაზე „Arts and Culture“ განთავსდა.