UNESCO-ს მსოფლიო  მეხსიერების საერთაშორისო დოკუმენტურ რეესტრს დაემატა 78 ახალი ნომინაცია, რომელთა შორისაა საქართველოს იუსტიციის სამინისტროს ეროვნულ არქივში დაცული „ოთხთავი-პალიმფსესტი“ (The Tetraevangelion-palimpsest).

> > >

2017 წლის 30 ოქტომბრიდან 14 ნოემბრის ჩათვლით, ქ. პარიზში გამართული UNESCO-ს  გენერალური კონფერენციის 39–ე სესიის ფარგლებში, 10 ნოემბერს, ქ-ნი ოდრე აზულე (Audrey Azoulay) UNESCO-ს ახალ გენერალურ დირექტორად იქნა არჩეული.

> > >

10 ნოემბერს, UNESCO აღნიშნავს მეცნიერების საერთაშორისო დღეს მშვიდობისა და განვითარებისთვის. აღნიშნული დღე ხაზს უსვამს მეცნიერების მნიშვნელოვან როლს საზოგადოებაში და ახალი სამეცნიერო საკითხების განხილვაში საზოგადოების ჩართულობის აუცილებლობას. იგი ასევე ამახვილებს ყურადღებას ყოველდღიურ ცხოვრებაში მეცნიერების მნიშვნელობასა და აქტუალობაზე.

> > >

UNESCO-ს გენერალური კონფერენციის 39-ე სესიამ (2017 წლის 30 ოქტომბერი - 14 ნოემბერი) დაამტკიცა იმ ღირსშესანიშნავ თარიღთა სია, რომლებიც 2018-2019 წლებში აღინიშნება ორგანიზაციის უშუალო მონაწილეობით.

სიაში შეტანილია საქართველოს მიერ  წარდგენილი საიუბილეო თარიღიც - „ივანე ჯავახიშვილის სახელობის თბილისის სახელმწიფო უნივერსიტეტის 100 წლისთავი“, რაც ნიშნავს იმას, რომ იუბილე 2018 წელს აღინიშნება გაეროს განათლების, მეცნიერებისა და კულტურის ორგანიზაციის მხარდაჭერით. აღნიშნული გადაწყვეტილება ადასტურებს მოვლენის რეგიონალურ მნიშვნელობას, ხაზს უსვამს იმ მნიშვნელოვან წვლილს, რაც თბილისის სახელმწიფო უნივერსიტეტმა შეიტანა  კულტურის, განათლების და მეცნიერების პოპულარიზაციასა და განვითარებაში არა მარტო საქართველოს მასშტაბით.

> > >

2017 წლის 13 ოქტომბერს UNESCO-ს აღმასრულებელმა საბჭომ ორგანიზაციის ახალ გენერალურ დირექტორად საფრანგეთის კულტურის ყოფილი მინისტრი ოდრე აზულე (Audrey Azoulay) წარადგინა.

საბჭოს 58 წევრიდან, ოდრე აზულეს კანდიდატურას 30 წევრმა დაუჭირა მხარი და ამგვარად, მან ყატარელი მეტოქე, რომელიც ყველა ტურში ლიდერის პოზიციას ინარჩუნებდა, 2 ხმით უკან ჩამოიტოვა. > > >