პრესკონფერენცია ბათუმის მუსიკალური ფესტივალის შესახებ

07/05/2019
Comments Off on პრესკონფერენცია ბათუმის მუსიკალური ფესტივალის შესახებ

2019 წლის 3 მაისს, საქართველოს განათლების, მეცნიერების, კულტურისა და სპორტის სამინისტროში გაიმართა პრესკონფერენცია ბათუმის რიგით მეშვიდე საერთაშორისო მუსიკალურ ფესტივალთან „Batumi Black Sea Music and Art Festival“ დაკავშირებით. ღონისძიებას უძღვებოდნენ საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი, ფესტივალის დამფუძნებელი ელისო ბოლქვაძე და საქართველოს საგარეო საქმეთა სამინისტროს საერთაშორისო კულტურულ და ჰუმანიტარულ ურთიერთობათა დეპარტამენტის დირექტორი ქეთევან კანდელაკი.

> > >

ჯაზის საერთაშორისო დღე 2019

07/05/2019
Comments Off on ჯაზის საერთაშორისო დღე 2019

2019 წლის 30 აპრილს, ჯაზის საერთაშორისო დღის აღსანიშნავად, თბილისის სახელმწიფო კონსერვატორიის დიდ დარბაზში გაიმართა ცნობილი ჯაზ-ბენდის „Irakli Louis Ambassadors’’-ისა და თბილისის მერიის ბიგ-ბენდის კონცერტი. ჯაზ-ბენდ „Irakli Louis Ambassadors“-ის ლიდერი ქართველი ემიგრანტების შთამომავალი ირაკლი დავრიშევი-დავრიშაშვილია, ხოლო მუსიკოსის შემოქმედება მჭიდროდ უკავშირდება ჯაზის გენიალურ ლეგენდას, ლუი არმსტრონგს.

> > >

მარჯორი უორდროპის დაბადებიდან 150 წლისთავისადმი მიძღვნილი ღონისძიება

14/02/2019
Comments Off on მარჯორი უორდროპის დაბადებიდან 150 წლისთავისადმი მიძღვნილი ღონისძიება

12 თებერვალს გაერთიანებულ სამეფოში საქართველოს საელჩოს ინიციატივითა და მარჯორი უორდროპის ფონდის მხარდაჭერით, ოქსფორდის უნივერსიტეტის ბოდლის ბიბლიოთეკაში გაიმართა ღონისძიება, რომელიც იუნესკოს ეგიდით მარჯორი უორდროპის დაბადებიდან 150 წლისთავის გახსნას მიეძღვნა. იუბილე იუნესკოს სახელით 2019 წლის განმავლობაში აღინიშნება, რაც საქართველოსა და გაერთიანებული სამეფოს ერთობლივი ძალისხმევის შედეგად გახდა შესაძლებელი.

> > >

ქართული ნომინაცია შეტანილ იქნა იუნესკოს არამატერიალური კულტურული მემკვიდრეობის სიაში

29/11/2018
Comments Off on ქართული ნომინაცია შეტანილ იქნა იუნესკოს არამატერიალური კულტურული მემკვიდრეობის სიაში

მავრიკის რესპუბლიკის დედაქალაქ პორტ ლუიში, იუნესკოს არამატერიალური კულტურული მემკვიდრეობის დაცვის მთავრობათაშორისი კომიტეტის მე-13 სესიაზე (26 ნოემბერი -1 დეკემბერი) მიღებულ იქნა გადაწყვეტილება საქართველოს მიერ წარდგენილი ნომინაციის „ქართული ჭიდაობა“(“Chidaoba-Wrestling in Georgia”) არამატერიალური კულტურული მემკვიდრეობის წარმომადგენლობით სიაში შეტანის თაობაზე.

> > >

„შეიარაღებული კონფლიქტის დროს კულტურულ ფასეულობათა დაცვის“ ტრენინგი

25/09/2018
Comments Off on „შეიარაღებული კონფლიქტის დროს კულტურულ ფასეულობათა დაცვის“ ტრენინგი

2018 წლის 25-26 სექტემბერს, თავდაცვის ინსტიტუციური აღმშენებლობის სკოლაში „შეიარაღებული კონფლიქტის დროს კულტურულ ფასეულობათა დაცვის“ ტრენინგი იმართება. UNESCO-სა და საქართველოს თავდაცვის სამინისტროს ორგანიზებითა და საქართველოს იუნესკოს საქმეთა ეროვნული კომისიის თანადგომით მიმდინარე ორდღიან სემინარში მონაწილეობენ თავდაცვისა და საგარეო საქმეთა სამინისტროების, საქართველოს კულტურული მემკვიდრეობის დაცვის ეროვნული სააგენტოსა და დიდი მცხეთის სახელმწიფო არქეოლოგიური მუზეუმის წარმომადგენლები.

> > >